စကားလုံးပုံသွန်းခြင်းနှင့်ပတ်သက်၍ (ကောက်နှုတ်ချက်)

 

ဒါပေမယ့် နှစ်ပေါင်းများစွာ စွဲမြဲလာတဲ့အလေ့အထ အမူအကျင့်တစ်ခုကို ထင်သလောက်တော့ လွယ်လွယ်ကူကူမပြောင်းလဲနိုင်ခဲ့ပါဘူး။ ပထမဆုံးကြုံရတဲ့ကိစ္စကတော့ ဘယ်လိုမှမျှော်လင့်မထားမိတဲ့ကိစ္စပါ၊ လူနဲ့စာရွက်ကြားထဲမှာ ရုပ်ပိုင်းဆိုင်ရာ အဟန့်အတား (Physical Barrier) တစ်ခုခံနေသလို ခံစားနေမိတယ်။ အရင်ကစာရွက်ပေါ်မှာ တိုက်ရိုက်ချရေးတဲ့အခါ စာရွက်ပေါ်ကစာလုံးနဲ့ လူနဲ့ဟာ တအားနီးနီးကပ်ကပ်ထိတွေ့နေရတယ်။ အခုတော့ စာလုံးတွေက ကွန်ပျူတာမျက်နှာပြင်မှာ၊ လက်တွေက ကွန်ပျူတာလက်ကွက်မှာ၊ လူနဲ့စာနဲ့ အလှမ်းဝေးနေသလိုမျိုး။ စာလုံးကိုကိုယ်တိုင်ရေးလိုက်တာနဲ့ ရှိပြီးသားဖောင့်ကို ရိုက်ရတာနဲ့ကိုက သဘာဝကွဲပြားနေတယ်မဟုတ်လား။ လက်ရဲ့လှုပ်ရှားမှုကိုက ဝိုက်ပြီးရေးနေတာနဲ့ ခလုတ်ကိုဖိနှိပ်ချတာ တူမှမတူနိုင်တာ။ ထားပါတော့၊ ကြာတော့လည်း လူနဲ့ လက်ကွက်နဲ့ ကွန်ပျူတာစာလုံးတွေနဲ့ တစ်သားတည်းကျသွားပြီး စောစောကပြောတဲ့ ခံစားမှုမျိုး တဖြည်းဖြည်းလျော့ပါးလို့ သွားခဲ့ပါတယ်။

            စာရွက်နဲ့ကွန်ပျူတာအကြား အဓိက paradigm အရွေ့ကတော့ ပြင်/ဖျက်လွယ်ခြင်း ရှိ၊မရှိဆိုတဲ့ အချက်ပါပဲ။ ထူးဆန်းတာက အဲဒီအချက်ပေါ်မူတည်ပြီး စာရေးပုံကွဲသွားတာပါပဲ။ အထက်မှာ ပြောခဲ့သလို စာရွက်နဲ့ရေးတဲ့အခါ ပြင်/ဖျက် မလွယ်ဘူး။ ပြင်/ဖျက် မလွယ်တဲ့အခါ စဉ်းစားပုံကိုက linear သဘောပဲ စဉ်းစားလို့ရတယ်။ စလယ်ဆုံး၊ တစ်ကြောင်းပြီးမှတစ်ကြောင်းစဉ်းစား၊ အုတ်စီတဲ့သူလို တစ်လွှာပြီးမှတစ်လွှာ၊ ကျော်ပြီးစီလို့မရ။ နောက်တစ်ကြောင်းရေးမယ်ဆိုရင် ရှေ့ကရေးပြီးသမျှနဲ့ လိုက်ဖက်ညီအောင်စဉ်းစား၊ ရှေ့ကရေးထားတာကို အခြေခံအဖြစ်ယူဆ၊ ပြဿနာကကြားထိုးဝါကျတွေ၊ ကြားထိုးစာပိုဒ်တွေထည့်ဖို့ ဝန်လေးမိတာပဲ။ အကြိမ်ကြိမ် တည်းဖြတ်သုတ်သင်မှုလုပ်ဖို့ကို တွန့်ဆုတ်နေမိတယ်။ ရေးချထားပြီးသား စာလုံးတွေကိုက စာရွက်ပေါ်မှာ အရှိတရားတစ်ခုလိုဖြစ် သွားခဲ့ပြီ။ မလွှဲသာလို့ပြန်ဖျက်ရရင်တောင် စာလုံးဟောင်းတွေက တွေ့နေရသေးတယ်။ အဲ့ဒီတော့မရေးခင် အသေအချာစဉ်းစားပြီးမှ ရေးရတယ်၊ မသေချာဘဲ မရေးရဲဘူး။ ဆုံးဖြတ်ချက်ရဲဖို့လိုသလို ကိုယ့်ကိုယ်ကိုယ် ယုံကြည်မှုအပြည့်ရှိဖို့လည်းလိုတယ်။ အဲဒီလို အရည် အချင်းမျိုးနဲ့ ပတ်သက်ပြီးရှေးတုန်းက စာရေးဆရာကြီးတွေရဲ့အကြောင်း ကြားဖူးတာအတော်အံ့သြမိတယ်၊ လစဉ်အခန်းဆက် ဝတ္ထုရှည်ကြီးမျိုးကို မဂ္ဂဇင်းဖောင်ပိတ်ခါနီးမှ တိုက်မှာတစ်ထိုင်တည်း လက်နှိပ်စက်နဲ့ တစ်ဗြောင်းဗြောင်းရိုက်ပြီး စာစီဆရာကို တန်းပေး လိုက်နိုင်တဲ့ ကိုယ့်ကိုယ်ကိုယ် ယုံကြည်မှု၊ ရဲရင့်ပိုင်နိုင်မှုမျိုး။ နီးနီးစပ်စပ်ပြောရရင် စုတ်ချက်ရဲတဲ့ ပန်းချီဆရာလို အရည်အချင်းမျိုးနဲ့ဆင်တယ်။ တကယ်တော့ လက်နှိပ်စက်နဲ့ရိုက်ရတာ ရေဆေးပန်းချီလို တစ်ထိုင်တည်းနဲ့ အပြတ်ရေးတဲ့သဘောမျိုးပဲ။ ပြန်လည်မွမ်းမံမှု မရှိ၊ မွမ်းမံလို့မရ (ရပေမယ့်ခက်ခဲ)၊ ရေးတဲ့အချိန် စိတ်ခံစားမှု၊ စိတ်ဆုံးဖြတ်မှု၊ စကားလုံးရွေးချယ်မှု၊ ကာလတရားအားလုံးပေါင်းစပ်နေတဲ့လက်ရာ။

မှတ်ချက်။       ။ စကားလုံး ပုံသွန်းခြင်းနှင့် ပက်သက်၍ အက်ဆေး မှ ကောက်နှုတ်ဖော်ပြပါသည်။