from the sketchbook:
trees in frozen river
Source; http://signpostsinthesea.blogspot.com/
ဥသြသည်နွေဦးကိုအတော်ကြာကြာစောင့်စားနေခဲ့ပါသည်။
သို့သော်နွေဦးသည်ပေါက်ချမလာခဲ့ပါ။
သူ့နှုတ်ဖျားတွင်တေးသံများဖြင့်ပြည့်လျှမ်း၍နေပါပြီ။ သူ့တေးသံတွင်လွမ်းဆွတ်ခြင်းများဖြင့်လေးအီ၍နေပါပြီ။
ဘယ်မှာလဲနွေဦး၊ ရာသီသိဖို့ ပန်းနှင့်ညှိစရာမလိုပါ၊
နွေဦးရှိရာ၊ သူအရောက်သွားပါမည်။ နွေဦးရှိ ရာ၊ သူဖြူလျော်လျော်လေရူးတစ်သုတ်လိုမျိုး တိုက်ခတ်သွားပါမည်။
နွေဦးရှိရာ၊ နီကျင်ကျင် သစ်ရွက်လိုမျိုး သူကြွေကျသက်ဆင်းလာခဲ့ပါမည်။
စောင့်နေပါ တော့နွေဦး၊ သူအရောက်လှမ်းလာနေခဲ့ပြီ။
******************************
စောင့်စားခြင်းနှင့်စောင့်မျှော်ခြင်းသည်
တခါတရံလေမတိုက်သောသစ်ပင်တစ်ပင်ဖြစ်နေတတ်သော်လည်း၊
တစ်ခါတစ်ရံတွင် တစစ်စစ်ကိုက်ခဲနေ သောအံသွားတစ်ချောင်းလည်းဖြစ်နေတတ်ပါသည်။
မှိုင်းပြာပြာမြူနှင်းများသည်အဝိဇ္ဖာတရားလိုတလောကလုံးကိုအုံ့လွှမ်းနေခဲ့သည်။တိုးသဲ့သဲ့စကားလုံးများသည်လည်း
အေးစက်ခဲမာလို့၊ ရေခဲမြစ် တစ်စင်းလို။
“တို့ကို စောင့်မျှော်မနေပါနဲ့တော့”
သူမ၏နှုတ်ဖျားမှပူနွေးနွေးအသံလေးသည် လေထုကိုအစိတ်စိတ်ကွဲမွှာသွားစေခဲ့သည်။ သစ်ခြောက်ပင်ပေါ်မှငှက်များသုတ်ခနဲ ထပျံသွား ကြသည်။
အတွေးများသာဆတ်ဆတ်ခါကာကျန်ရစ်ခဲ့ကြသည်။
မေငြိမ်း၏“အချစ်အကြောင်းပြောရအောင်”ဟူသောစာအုပ်သည်စာရွက်များပြုတ်ထွက်ကာတစ်စစီပြန့်ကျဲနေခဲ့သည်။ကျွန်တော်သည်အချစ်ဝတ္ထု
အတော်များများကိုဖတ်ခဲ့ဖူးပါသည်။အချစ်အကြောင်းဖွင့်ဆိုသည့်အဆိုအမိန့်များကိုလည်းမှတ်သားဖူးပါသည်။ချစ်သူဟု(ကိုယ့်ဘာသာကိုယ်)သတ်မှတ်ထား သောသူမကိုလည်းရူးသွပ်ခဲ့ဖူးပါသည်။
သို့သော်ကျွန်တော်သည်အချစ်အကြောင်းမသိခဲ့ပါ၊
နားမလည်ခဲ့ပါ။ သို့သော်အချစ်ကိုတော့သွပ်သွပ်ခါအောင်ခံစားခဲ့
ဖူးပါသည်။
နားလည်ခြင်းနှင့်ခံစားခြင်းကိုဆွေမျိုးစပ်ချင်ကြသောလူတစ်ချို့အတွက်ကျွန်တော်၏အချစ်ကိုသက်သေခံပစ္စည်းအဖြစ်တင်ပြဖို့ဝန်မလေးသော်
လည်းကျွန်တော်ဝန်လေးနေခဲ့ပါသည်။ သူမသည်သူမမဟုတ်ပါ။ ကျွန်တော်၏ချစ်သူဖြစ်ပါသည်။
မိုးပြာရောင်ဂျင်းအင်္ကျီကိုဝတ်ဆင်ထားသော သူမသည်
အေးစက်မာကျောသောရေခဲတုံး
တစ်တုံးမဟုတ်ခဲ့ပါ။ ကျွန်တော်၏နူးညံ့နွေးထွေးသော အနွေးထည်လေးသာဖြစ်ပါသည်။
နှုတ်ခမ်းလေးစူ၍စကားပြောတတ်သောသူမသည်
ကျွန်တော့်ကိုမချစ် နိုင်ပါဘူးဟုပြောခဲ့သောသူမမဟုတ်ပါ။
ကျွန်တော်၏ချစ်စဖွယ်မူနွဲ့တတ်သော
သူမဖြစ်နေခဲ့ပါ သည်။
လူတစ်ယောက်၏ ‘အမြင်’သည်သာ ထိုသူ့အတွက်အမှန်တရားဟူသောအဆိုကို
‘အင်ပရက်ရှင်း’ပန်းချီကားများပေါ်တွင် ကျယ်ကျယ်လောင်လောင်
တွေ့ရှိခဲ့ရပါသည်။ ချစ်သူ၏စိုနက်နေသောမျက်ဝန်းလေးများသည်
စမ်းချောင်းလေးတစ်ခုလိုစီးဆင်းနေခဲ့သည်။
ကျွန်တော်သည် ယင်းစမ်းချောင်းလေးဘေးတွင် ‘ဘဝ’ ကိုယာယီပစ်ချကာမေ့မေ့မောမောလဲလျောင်းချင်မိပါသည်။
သို့သော်ထိုနေ့သည် မိုးလေကင်းရှင်းသောနေ့တစ်နေ့ဖြစ်ဖို့တော့ အရေးကြီးပါသည်။
တောက်၊တောက်၊တောက်၊တောက်၊…………………………………………………………………
ကျွန်တော့်နားစည်ကို အဆက်မပြတ်ရိုက်ခတ်နေသောထိုအသံသည်
ကျွန်တော့်အတွေးထဲကိုတစိမ့်စိမ့်၊
စိမ့်ဝင်နေသောစိုထိုင်းထိုင်းအာရုံများသာ
ဖြစ်နေခဲ့သည်။ ဘဝကိုနွေးထွေးစေဖို့ ဘယ်လိုအနွေးထည်မျိုးဝတ်ဆင်သင့်သလဲဆိုတာ ကျွန်တော်မသိခဲ့ပါ။
ယခုလောလောဆယ်တော့ ကျွန်တော်သည်ပူနွေး နွေးလက်ဘက်ရည်တစ်ခွက်ကိုပဲ
သောက်သုံးနေခဲ့ပါသည်။
မနေ့ကသေသေချာချာချိန်းထားခဲ့သော
‘ ရဲမင်းဦး’
ယနေ့ရောက်မလာသေးပါ။
***********************************
အချစ်ဆိုသောအရာသည်ပုံသဏ္ဍာန်အတိအကျမရှိသည့်အမီးဘားကောင်လိုမျိုးလှုပ်စိလှုပ်စိနှင့်အတော်အသည်းယားဖို့ကောင်းသည်ဟုကျွန်တော်
ပြောသောအခါ အားလုံးပြုံးစိစိဖြစ်သွားကြသည်။
ရဲမင်းဦးကအားတက်သရောဖြင့် “မဆိုးဘူးကွ၊ ဒဿနပါ တယ်” အားလုံးထပ်မံ၍ပြုံးစိစိဖြစ်သွားကြသည်။
“မင်းရဲ့အဲဒီဒဿနကြီးကို ရေမစီးတဲ့မြောင်းထဲသွားပစ်လိုက်စမ်းပါကွာ၊
အချစ်ဟာအချစ်ပဲ၊ ဒဿနမဟုတ်ဘူးကွ”
ကိုမောင်မောင်စိုးကပြတ်ပြတ်သားသားပင်ငြင်းဆိုသည်။တကယ်တော့ကိုမောင်မောင်စိုးသည်ဒဿနိကဗေဒနှင့်ဘွဲ့ရခဲ့သူတစ်ဦးဖြစ်သည်။သို့သော်
ဘွဲ့ရသည်အထိအမှန်တရားကိုရှာမတွေ့ခဲ့သဖြင့်ဒဿနစာအုပ်များကိုပစ်ကာမေတ္တာသုတ်ကိုသာညဘက်အိပ်မပျော်တိုင်းရွတ်ဖတ်နေသူတစ်ဦးလည်းဖြစ်၏။
“ခင်ဗျားက အချစ်အကြောင်းပြောရအောင် မယ်မယ်ရရချစ်သူဆိုလို့ရှိခဲ့ဖူးလို့လား”
“အချစ်အကြောင်းကိုသိဖို့ချစ်သူမလိုပါဘူး၊
ခံစားတတ်ဖို့ပဲလိုပါတယ်”
သူတို့နှစ်ဦး၏အချီအချစကားတွင်ကျွန်တော်၏အတွေးများပူးတုံခွါတုံဖြစ်နေခဲ့သည်။ကျွန်တော်၏သူမသည်မျက်နှာကြောတင်းနေသည့်လဘက်ရည်
ခွက်ပေါ်တွင်အေးစက်စက်ထွက်ပေါ်လာခဲ့သည်။သူမ၏ခဲသားရောင်လက်ကိုင်အိတ်ကလေးထဲတွင်မိုးတိမ်များအတော်အသင့်စုဆောင်းမိလောက်ပေရော့မည်ပညာတတ်မိန်းခလေးတစ်ယောက်၏
ရဲရင့်တက်ကြွမှုမျိုးဖြင့်သူမ၏အနာဂတ်သည်
ဝင်း ဝင်းပကောင်းကင်တွင် တလွင့်လွင့်မျောပါနေပေရော့မည်။
လဘက်ရည်ချိုဆိမ့်တစ်ခွက်နှင့်ပေါ့ကျတစ်ခွက်သည်
တန်ဖိုးချင်းတူညီသော်လည်း
အရသာချင်းမတူညီခဲ့ပါ။
ကျွန်တော်တို့၏ ကွဲပြားမှုများအတွက် တစ်စုံတစ်ယောက်တွင်တာဝန်ရှိသော်လည်း
ကျွန်တော်တို့မေးမြန်းပိုင်ခွင့်မရှိခဲ့ပါ။
ကံကြမ္မာသည် ဘုရားသခင်ကိုပင် အလွတ်ပေးခဲ့ပုံမရပါ။ ဘုရားသခင်သည် ကိုယ့်ကြမ္မာကိုယ်ဖန်တီးခွင့်ကို
အော်ဟစ်တောင်းဆိုနေခဲ့ပါသည်။
‘အကယ်၍’ဆိုသည့်စကားလုံးသာအမှန်တကယ်အသုံးဝင်ခဲ့ပါလျှင်ကျွန်တော်၏ကောင်းကင်သည်ဤမျှမဲမှောင်နေခဲ့မည်မဟုတ်ပါ။အနည်းဆုံးသန့်
စင်ပြောင်လက်နေအောင်တော့ဆေးကြောတိုက်ချွတ်ထားမိပေလိမ့်မည်။
သို့သော်အလုပ်လက်မဲ့ကဗျာဆရာတစ်ယောက်၏ကောင်းကင်သည်သတ္ထုရောင်ထ
နေအောင်ပြောင်လက်ဖို့ဆိုတာမဖြစ်နိုင်ကြောင်းလည်းအလိုအလျောက်သိနေခဲ့ပါသည်။
ထိုနေ့ကသူတို့အချစ်အကြောင်းအတော်ပြောခဲ့ကြပါသည်။
သို့သော် ကျွန်တော်တစ်လုံးမှမမှတ်မိတော့ပါ။
**************************************
စစ်တုရင်ချန်ပီယံ
“ကတ်စပါးရော့”သည် ၂၅ပွဲလောက်ကို တပြိုင်တည်းယှဉ်ပြိုင်နိုင်ခဲ့ပါသည်။
သို့သော်ကျွန်တော့်မှာမိန်းခလေး
၂၅ယောက်ကို တပြိုင်တည်းမချစ်နိုင်ခဲ့ပါ။
သူမတစ်ယောက်နှင့်ပင် ကျွန်တော့်ဘဝမှာ မလောက်မငဖြစ်နေခဲ့ပါသည်။
သူမရှိရာစီးပွါးရေးတက္ကသိုလ်သည်
ကျွန်တော်ငှားနေသည့်အိမ်ထက်ပင်
ကျွန်တော့်အပေါ်ပို၍ရင်းနှီးကျွမ်းဝင်နေလောက်ပေပြီ။
သူမလမ်းလျှောက် တိုင်းလွှဲခါသွားခဲ့သောပန်းဖွါးတပ်လွယ်အိတ်ကလေးသည်
ကျွန်တော်၏နာရီချိန်သီးကလေးဖြစ်နေခဲ့သည်။
ကျွန်တော့်အတွက်အချိန်ကိုမှတ်သားရန်
ဂဏာန်း ယူနစ်များမလိုတော့ပါ။
သူမ၏သွားလာလှုပ်ရှားမှုမှန်သမျှသည်သာ
ကျွန်တော်၏မပြောင်းလဲနိုင်သောအချိန်ယူနစ်များဖြစ်နေခဲ့ပါသည်။
ယခုဘယ်အချိန်ရှိပြီ လဲဟု ကျွန်တော့်အားမေးလာခဲ့သည်ရှိသော်
ကျွန်တော်မဆိုင်းမတွပင်ဖြေကြားလိုက်ပါမည်။
“သူမအတန်းတက်ချိန်” လို့။
အချို့ဝတ္ထုများသည်
စကားလုံးအခင်းအကျင်းနှင့်ပင်
(ဖတ်စရာမလိုတော့လောက်အောင်) လှပလွန်းနေခဲ့ပါသည်။ ထိုကဲ့သို့သောဝတ္ထုများကိုဖတ်ရ
တိုင်း ကျွန်တော်သည်သူမကိုသတိရမိပါသည်။
မဆီမဆိုင်ဟုပြောလိုကပြောနိုင်သော်လည်း
ဤသို့ပင်အမြဲတိုက် တိုက်ဆိုင်ဆိုင်သတိရမိတတ်ပါသည်။
ဤသို့ဖြင့်ကျွန်တော်သည်လျှို့ဝှက်သိပ်သည်းလွန်းသောမျက်လှည့်ဆရာ၏မှော်သေတ္တာလေးထဲမှထွက်ပေါ်လာမည့်အရာဝတ္ထုကိုစောင့်စားရသလို
မျိုးသူမရဲ့အတွင်းစိတ်ထဲမှာ
နှစ်ပေါင်းများစွာအနည်ကျနစ်မြုပ်နေတဲ့အချစ်ဆိုတဲ့အရာကို
ရင်ခုန်မောလျခြင်း ကြီးစွာနဲ့
စောင့်စားငဲ့လင့်နေခဲ့ရပါသည်။
ကန်ရေစပ်တွင်
ငါးမျှားချိတ်တစ်ချောင်း
အမြစ်တဖွါးဖွါးကျနေခဲ့သည်။
ယနေ့ဈေးကွက်တွင်
မည်သည့်ပစ္စည်းများအရောင်းသွက်နေခဲ့ပါသနည်း။
မည်သည့်ပစ္စည်းများအရောင်းထိုင်းနေခဲ့ပါသနည်း၊
ကျွန်တော်မသိခဲ့ပါ။ သို့သော်အချစ်ဆိုသည့်အရာသည်အရောင်းထိုင်းကုန်ပစ္စည်းများထဲတွင်တစ်ခုအပါအဝင်ဖြစ်နေခဲ့ပြီလားဟုတော့တစ်ခါတစ်ရံတွင်သံသယရှိမိပါသည်။မြို့လယ်
စတိုးဆိုင်များတွင်အချစ်ဆိုသောအရာကိုထုပ်ပိုးရောင်းချနေခဲ့သည်ကိုသင်တွေ့မြင်ဖူးပါသလား။ကျွန်တော်တော့တစ်ကြိမ်တစ်ခါမျှမတွေ့မြင်ခဲ့ဖူးပါ။
အချစ် သည်ဈေးကွက်ပျောက်နေခဲ့သည်။
အချစ်သည်ဈေးကွက်အတွင်းဝင်မလာခဲ့ပါ။
ကျွန်တော်တို့အချစ်ကိုဈေးကွက် ရှာပေးကြပါစို့လား။
အရှေ့တွင်ဝတ်စုံဆင်တူနှင့်ကောင်မလေးနှစ်ယောက်၊
ယိမ်းတိုက်ထားသလိုပင်ပျောင်းနွဲ့ညီညာနေခဲ့သည်။
တိုနှံ့နှံ့စကတ်များက
ကုမ္ပဏီ၏အထိမ်း အမှတ်တံဆိပ်လိုတလူလူလွင့်လို့၊
မော်တော်ဆိုင်ကယ်တစ်စင်း“ဂ”ကွေ့၊ ကွေ့သလိုမျိုးကျွန်တော်ရဲ့အတွေးတွေဟာ “သူမ” ဆီပြန်လည်ရောက်ရှိသွားခဲ့တယ်။
ကုမ္ပဏီမန်နေဂျာရဲ့ကိုယ်ရေးလက်ထောက်ဆိုတဲ့ရာထူးဟာ‘သူမ’တို့လိုမိန်းခလေးတွေအတွက်ရတောင့်ရခဲအခွင့်အရေးတစ်ခုဖြစ်နေခဲ့ပြီလား၊သူမ
ရဲ့တက္ကသိုလ်ပညာရေးဟာသူမရဲ့အလုပ်အကိုင်အတွက်ဘယ်အခန်းကဏ္ဍကပါဝင်နေခဲ့ပါသလဲ၊၂၁ရာစုအကြိုလူမှုစီးပွါးအနေအထားဟာဘယ်လောက်
တောင်မွန်းကြပ်နေခဲ့ပြီလဲ၊ကျွန်တော့်ရဲ့အတွေးတွေဟာကန်ရေပြင်ထက်မှာဂယက်ထလို့နေခဲ့တယ်။ကျွန်တော့်ရဲ့ဒီဂယက်ထနေတဲ့စိတ်အနေအထားကိုသူမ
အနေနဲ့သိနိုင်လိမ့်မယ်မထင်ပါဘူး။
သိဖို့လည်းကျွန်တော်ခွင့်မပြုနိုင်ပါဘူး။
ဟိုးအဝေးမှာကြယ်တစ်ပွင့်၊
တဖျတ်ဖျတ်တောက်ပနေခဲ့တယ်။
“ကြယ်ကလေးရေ၊ အိပ်မက်တွေမငြိမ်းစေနဲ့ဟေ့၊ ကမ္ဘာအဆက်ဆက်လင်းလက်ကြစို့လားကွယ်”
ကျွန်တော်ကြယ်ကလေးကိုလှမ်းအော်ပြောလိုက်မိတယ်၊
ကြယ်ကလေးကြားမကြားတော့မသိ၊
ကောင်းကင်မှာတိမ်ခိုးတိမ်မျှင်တွေကင်းရှင်းသွားခဲ့
တယ်။
ကျွန်တော်ရဲ့လေးလံထိုင်းမှိုင်းတဲ့စိတ်တွေဟာ
အချိန်မှန်ပျင်းရိလေးဖင့်နေတတ်ပေမယ့်
ရာသီကြိုကုန်သည်လေတွေကတော့
အချိန်မှန်လှည့်လည် တိုက်ခတ်နေခဲ့ပါသည်။ မြင်ကွင်းတစ်ခုလုံးသည်
နှင်းခိုးများအောက်တွင်ပျောက်ကွယ်နေခဲ့သော်လည်း
ကျွန်တော်အာရုံထဲတွင်
ရှင်းလင်းပြတ်သားစွာမြင်နေ
ခဲ့ပါသည်။ သူမလျှောက်နေကျလမ်းကလေး၊
ကျွန်တော်စောင့်နေကျလမ်းကလေး၊
ဆိုဒီယမ်မီးလုံးများအောက်တွင်ဝင်းပနေခဲ့သောလမ်းကလေး၊
အမှိုက်တစ် စပင်မရှိအောင်ရှင်းသန့်နေခဲ့သောလမ်းကလေး
အမြဲလိုလိုဆိတ်ဆိတ်နေတတ်သောလမ်းကလေး၊
ထိုလမ်းကလေးပေါ်တွင်ကျွန်တော်လျှောက်နေခဲ့သည်။
သူမ မလာတော့သော်လည်း ကျွန်တော်သူမကိုယ်စားလျှောက်လှမ်းနေခဲ့ပါသည်။
“လမ်းကလေးရေ၊ မင်းမမကတော့တို့ကိုမစောင့်နဲ့တော့တဲ့၊ သူ့ခြေရာကလေးတွေပဲမင်းဆီထားခဲ့တယ်နော်၊
တို့တွေသူ့ဆီသွား တွေ့ကြစို့လားကွာ”
ကျွန်တော်စိတ်ထဲကနေလမ်းကလေးကိုအဖော်ညှိနေမိသည်။နှင်းအထပ်ထပ်ဖုံးလွှမ်းနေတဲ့လမ်းကလေးကတော့
ကျွန်တော့်ဆန္ဒကို လိုက်လျောနိုင်မယ်မထင်ပါဘူး၊ဖြူဖျော့တိတ်ဆိတ်နေခဲ့တယ်။
ကျွန်တော့်စိတ်တွေဟာ လမ်းကလေးပေါ်မှာ
ခေါက်တုံ့ခေါက်ပြန်လျှောက်လို့ပေါ့။
ရှေ့မှာပန်းနုရောင်လက်ကိုင်ပုဝါလေးတစ်ထည်၊လမ်းကလေးရဲ့ပုခုံးသားလေးပေါ်မှာတင်ကျန်လို့၊ကျွန်တော်အသာအယာ လှမ်းယူ လိုက်မိတယ်။လက်ကိုင်ပဝါလေးဟာကျွန်တော့်လက်ထဲမှာတင်“သူမ”ဖြစ်သွားခဲ့တယ်။“အတိတ်ကာလ”ဖြစ်သွားခဲ့တယ်။
ဒြပ်မဲ့ရောင်ပြင်ပန်းချီကားတစ်ချပ်ဖြစ်သွားခဲ့
တယ်။ အဝေးလွမ်းမြစ်တစ်စင်းဖြစ်သွားခဲ့တယ်
(ကျွန်တော်ကိုယ်တိုင်မသိလိုက်ခင်မှာပဲ)
ကျွန်တော်ဟာရေခဲမြစ်တစ်စင်းဖြစ်သွားခဲ့တယ်၊
အကြိမ်ကြိမ်ကျိုးပဲ့ လို့၊ အကြိမ်ကြိမ်အက်ကွဲလို့ပေါ့။
ဒီလက်ကိုင်ပုဝါလေးရဲ့ပိုင်ရှင်ဟာ
မည်သူမည်ဝါမှန်းကျွန်တော်မသိခဲ့ပါဘူး၊
ဒါပေမယ့်သူမရဲ့လက်ကိုင်ပဝါလေးမှန်း
ကျွန်တော်သေချာနေခဲ့ပါတယ်
(ဤအတွက်ကျွန်တော့်တွင်ဖြေရှင်းချက်တစ်စုံတစ်ရာပေးရန်မရှိပါ)
မျက်စိတဆုံးခရေပင်တန်းကြီးတွေလေ၊
အပြိုင်းအယိုင်းပွင့်နေလိုက်ကြတာ၊
တဖွဲဖွဲကြွေလို့ကိုမဆုံးနိုင်ပါဘူး၊
ကျွန်တော်လည်းခရေပွင့်တွေကိုမနင်း
မိအောင်မနည်းထိန်းလျှောက်နေခဲ့ရတယ်။ တလောကလုံးခရေပွင့်တွေဖုံးလွှမ်းထားသလိုမျိုး အဘိုးအိုတစ်ယောက်ဟာ ခရေပွင့်တွေကြားမှာနစ်မျောနေခဲ့တယ်။
သူ့ဘေးမှာသီလက်စပန်းတွေရော၊
မသီရသေးတဲ့ပန်းတွေရော။
ကျွန်တော်စိတ်ထဲကနေအဘိုးအိုကိုလှမ်းမေးနေမိတယ်။အဘိုးရေ၊အဘိုးဘဝကိုရောသီကုံးခဲ့ပြီးပြီလား၊
ဘဝဆိုတာပန်းတွေလို ခဏခဏပွင့်နေမှာ
မဟုတ်ဘူးလေ၊ ချစ်သူအပေါ်သစ္စာရှိတယ်ဆိုတာ
ကိုယ့်ကိုယ်ကိုသစ္စာမဲ့တာရောမဖြစ်နိုင်ဘူးလားအဘိုးရယ်၊
အဘိုးအိုကတော့တစ်လောကလုံးကိုမေ့နေပုံပါပဲ။ခေါင်းပေါ်မှာဘော်ငွေရောင်နှင်းတွေအထပ်ထပ်တင်ကျန်လို့၊
အချစ်ကိုသာ စိတ်တိုင်းကျသီကုံး
နေခဲ့တယ်။
လမ်းကလေးကတော့နေရောင်ခြည်ကိုအလိုက်အထိုက်ဆက်ဆံနေခဲ့ပြီပေါ့။လမ်းကလေးရယ်ကျွန်တော့်ကိုတော့သစ္စာမမဲ့လိုက်ပါနဲ့ဗျာဆိုတော့လမ်း
ကလေးကအင်ဒရူးကာနယ်ဂျီလိုပြုံးတယ်၊
ကျွန်တော်သိပါပြီဗျာ၊
လမ်းကလေးတောင်မှကျွန်တော့်ကိုအလိုမရှိတော့ပါဘူး၊
ကျွန်တော်နာနာကျည်းကျည်းလှည့်
ထွက်လာခဲ့တယ်၊ သွားမယ်၊ ကျွန်တော်သွားမယ်၊ အဲဒီလမ်းမရှိတဲ့ခရီးကိုကျွန်တော်သွားမယ်၊
အဆုံးမရှိတဲ့အရပ်ကိုကျွန်တော်ရှာမယ်၊
သဏ္ဍာန်မရှိတဲ့ပန်းချီ ကားတွေကျွန်တော်ဆွဲမယ်၊
စာသားမရှိတဲ့သီချင်းတွေကျွန်တော်ဆိုမယ်၊
ကျွန်တော်လှည့်ထွက်လာခဲ့တယ်။ခြင်္သေ့လည်ပြန်ကာရံကိုကျွန်တော်ပြန်မညှိပဲထွက်လာခဲ့တယ်။
ချစ်သူရေ၊ လောကကြီးမှာဘယ်သူ့ဘယ်သူကိုမှသစ္စာရှိဖို့မလိုအပ်ပါဘူး။ အချစ်ကို သာသစ္စာရှိဖို့လိုပါတယ်။ အချိန်ဆိုတဲ့ကျောရိုးရှည်သတ္တဝါကြီးဟာ တနေ့နေ့တချိန်ချိန်မှာတော့ကိုယ့်အမြီးကိုယ်ပြန်မြိုမိဦးမှာပါ။ အဲဒီအချိန်ကျရင်သာ တဖွဲဖွဲ ကြွေနေတဲ့ခရေပင်တစ်ပင်ကို ဂရုစိုက်ကြဖို့ကျွန်တော်နောက်ဆုံးမှာခဲ့ချင်ပါတယ်။
ချစ်သူရေ၊ လောကကြီးမှာဘယ်သူ့ဘယ်သူကိုမှသစ္စာရှိဖို့မလိုအပ်ပါဘူး။ အချစ်ကို သာသစ္စာရှိဖို့လိုပါတယ်။ အချိန်ဆိုတဲ့ကျောရိုးရှည်သတ္တဝါကြီးဟာ တနေ့နေ့တချိန်ချိန်မှာတော့ကိုယ့်အမြီးကိုယ်ပြန်မြိုမိဦးမှာပါ။ အဲဒီအချိန်ကျရင်သာ တဖွဲဖွဲ ကြွေနေတဲ့ခရေပင်တစ်ပင်ကို ဂရုစိုက်ကြဖို့ကျွန်တော်နောက်ဆုံးမှာခဲ့ချင်ပါတယ်။
ဒီနိုဗို
2 comments:
I like such kind of writing style. How does it call? Post Modern?
သာမာန်အချစ်ဝထ္ထုလေးပါပဲ။ ဘာမှကြီးကြီးကျယ်ကျယ် မဟုပ်ပါဘူး။
Post a Comment