Thursday, July 3, 2014

အမှောင်များနဲ့လင်းပခြင်း


            အမှောင်၊
            မည်းသည်နက်သည်ဟူပင်မခွဲခြားနိုင်တော့သည့်အမှောင်၊
            တစ်ခန်းလုံးမှောင်နေခဲ့သည်။
            အသံတွေအားလုံးမှောင်နေခဲ့သည်။
            အချိန်တွေအားလုံးမှောင်နေခဲ့သည်။
            ထိုပြင်းထန်လွန်းသည့်အမှောင်တွေထဲတွင်သူတို့နှစ်ယောက်၏ဘဝတွေလည်းအလင်းမဲ့နေခဲ့သည်။အသက်မဲ့နေခဲ့သည်။
လှုပ်ရှားမှုဆိုရိုးတိုးရိတ်တိတ်စိတ်ကူးထည်များသာရှိခဲ့ပါသည်။
သူတို့နှစ်ယောက်သည်အခန်းထဲသို့မည်သည့်အချိန်ကစတင်ရောက်ရှိခဲ့မှန်းမသိတော့ပါ။မည်သည့်နေရာမှရောက်လာခဲ့မှန်းလည်းမသိခဲ့ပါ။မည်သည့်အတွက်ရောက်ရှိနေခဲ့မှန်းလည်းမသိခဲ့ပါ။ယခုရောက်ရှိနေသောအခန်းကိုလည်းမည်သည့်နေရာမှန်းမသိခဲ့ပါ။အမှောင်ထဲတွင်ပုံသာန်ပျောက်ဆုံးနေသောသူတို့နှစ်ဦးအဖို့ကွဲပြားချက်ဟူမတူညီသောစိတ်ကူးများသာ။
သူတို့နှစ်ယောက်အနက်တစ်ယောက်ကစိတ်ကူးကိုထွင်းဖေါက်နေခဲ့သည်။တစ်ယောက်ကစိတ်ကူးကိုစောင့်ကြည့်နေခဲ့သည်။တစ်ယောက်ကမျက်လုံးအစုံကိုမှိတ်ထားပါသည်။တစ်ယောက်ကရှေ့တူရှုကိုပြူးပြူးကြီးစိုက်ကြည့်နေပါသည်။အမှောင်ထုသည်
သိပ်သည်းကျစ်လျစ်နေဆဲ၊
အခန်းငယ်သည်အေးစက်နေသောအနက်ရောင်ကျောက်ကျောတုံးတစ်တုံးအသွင်ဆောင်နေခဲ့ပါသည်။
သူတို့နှစ်ဦးသည်အချိန်ကာလတစ်ခုထဲတွင်အတူတကွဖြစ်တည်နေခဲ့ကြသည်လား၊အချိန်ကာလသည်သူတို့၏စိတ်ထဲတွင်သာတည်ရှိသောအရာပေလော၊တကယ်တော့အချိန်ကာလသည်သူတို့၏အပြင်ရောအတွင်းတွင်ပါမရှိခဲ့။ဘာမျှပြတ်ပြတ်သားသားမမြင်ရ
သောအခြေအနေတစ်ရပ်တွင်စိတ်ကူးများသာသေချာနေခဲ့တော့သည်။စိတ်ကူးများသည်သာဖြစ်တည်မှုအစစ်အမှန်ဖြစ်နေခဲ့သည်။
စိတ်ကူးများကိုထွင်းဖောက်ခြင်း
            ကျုပ်စိတ်ထဲမှာအလင်းသဲ့သဲ့လေးဝင်နေခဲ့တယ်။ကျုပ်အလင်းရောင်ကိုမမြင်ဖူးပါဘူး။ဒါပေမယ့်ဟောဒီအမှောင်တွေနဲ့ဆန့်ကျင်ဘက်တည့်တည့်ဟာအလင်းဆိုတာတော့ကျုပ်သိထားတယ်။အဲဒီအသိကိုခိုင်မာနေဖို့ကျုပ်စိတ်ထဲမှာမမြင်ဖူးသေးတဲ့အလင်းကိုအမြဲထွန်းညှိထားတယ်။ကျုပ်ဟာအမှောင်နက်နက်ထဲနစ်မြုပ်နေခဲ့ပေမယ့်ကျုပ်ကိုယ်တိုင်ကတော့ဘယ်တော့မှအမှောင်မဖြစ်စေရဘူး။အဲဒါကျုပ်ခံယူချက်ပဲအကြောင်းရင်းကိုပြောရယင်တော့ကျွန်တော်ဟာအမှောင်ကိုသိပ်မုန်းတဲ့သူဖြစ်နေလို့ပဲ၊ကြည့်လေ၊အလင်းဆိုတာတည်ရှိဖို့တစ်စုံတစ်ရာအားထုတ်မှု၊ရင်းနှီးမှု၊လောင်မြိုက်မှု၊လိုအပ်ပေမယ့်မှောင်နေဖို့အတွက်ကတော့ဘာဆိုဘာမှမလိုအပ်ပါဘူး။ရေသာခို
အချောင်လိုက်မှုတွေ၊မိုက်မဲညံ့ဖျင်းမှုတွေဟာအမှောင်ထုအောက်မှာခိုလှုံစရာကောင်းကောင်းရနေကြတယ်လို့ကျွန်တော်မြင်တယ်။
ဒီမကောင်းမှုမှန်သမျှကိုကာကွယ်ပေးနေတဲ့အမှောင်ထုထဲကိုထွန်းပြဖို့အလင်းရောင်ကောင်းကောင်းလိုတယ်လို့ကျုပ်ယုံကြည်တယ်။ဒီယုံကြည်ချက်ကိုအကောင်အထည်ဖေါ်ဖို့ကျုပ်ကိုယ်ကျုပ်မီးစာလုပ်ဖို့လဲဝန်မလေးဘူး။လောင်ကျွမ်းပစ်ဖို့လည်းဝန်မလေးဘူး။ခက်တာကအလင်းရောင်ဟာဘယ်အရပ်မှာရှိမှန်းကိုမသိခဲ့တာပါပဲ။အလင်းရောင်ဟာဘုရားသခင်ရဲ့ကောင်းကင်ဘုံမှာရှိတာလား၊
မီးခတ်ကျောက်တုံးတစ်တုံးပေါ်မှာရှိခဲ့တာလား၊ကျုပ်ဒွိဟဖြစ်နေခဲ့တယ်။
စိတ်ကူးများကိုစောင့်ကြည့်ခြင်း
တကယ်တော့ကျွန်တော်ဒီအခန်းထဲရောက်နေခဲ့တာအတော်ကြာခဲ့ပါပြီ။ဒါပေမယ့်ပြောင်းလဲမှုဆိုလို့မတွေ့သေးဘူး။ဒါကြောင့်အခုမှရောက်လာတယ်ဆိုလည်းမမှားပါဘူး။ကျွန်တော့်မျက်စိထဲမှာတော့ဘာဆိုဘာမှကိုမမြင်ရတာပါ။တခါတခါတော့ကိုယ့်ကိုယ်ကိုတောင်ရှိသေးရဲ့လားလို့သံသယဝင်မိပါတယ်။ဒါပေမယ့်ကျွန်တော့်အတွေးတွေရှိနေသေးတာတော့သေချာတယ်။ဒါကြောင့်ကျွန်တော်ရှိနေသေးတယ်လို့ကိုယ့်ကိုယ်ကိုအားတင်းထားရပါတယ်။
အမှောင်ထုဟာကျွန်တော့်ရှေ့မှာအနက်ရောင်ပိတ်ကားတစ်ချပ်လိုကာဆီးနေပါတယ်။ပိတ်ကားပေါ်မှာဘာဆိုဘာမှမရှိအောင်ရှင်းနေပါတယ်။ဒါပေမယ့်ကျွန်တော်ကတော့မပျင်းမရိစိုက်ကြည့်နေခဲ့တယ်။မျက်လုံးရဲ့တာဝန်ဟာကြည့်ဖို့ပဲလို့ကျွန်တော်ယူဆတယ်။
ရှေ့ကပိတ်ကားဟာအမှောင်ဖြစ်ချင်ဖြစ်မယ်၊အလင်းဖြစ်ချင်ဖြစ်မယ်။ကျွန်တော်ကတော့မျက်တောင်မခတ်ကြည့်နေရမှာပဲ၊
ကောင်းသည်ဖြစ်စေ၊ဆိုးသည်ဖြစ်စေကျွန်တော့်အလုပ်ကကြည့်နေဖို့ပဲ။
ကြည့်ရင်းကြည့်ရင်းနဲ့ကျွန်တော့်စိတ်ကူးထဲကပုံရိပ်တွေဟာပိတ်ကားနက်နက်ပေါ်မှာရောင်ပြန်ထင်ဟပ်နေတာကိုကျွန်တော်တအံ့တသြတွေ့ရပါတယ်။ကျွန်တော်လည်းကြည့်ကောင်းကောင်းနဲ့ဆက်ကြည့်နေခဲ့ပါတယ်။
စိတ်ကူးများ၏တွေ့ဆုံပွဲ
အသံများအေးခဲနေခဲ့သည်။သူတို့နှစ်ယောက်သည်တခန်းထဲအတူနေပြီးအမှောင်ထုထဲမှာကိုယ့်စိတ်ကူးနဲ့ကိုယ်ရွက်လွှင့်နေကြပါသည်။သူတို့နှစ်ယောက်သည်တစ်ယောက်ကိုတစ်ယောက်ရှိမှန်းပင်သိကြပုံမပေါ်၊ကိုယ့်မီးနဲ့ကိုယ်လင်းနေခဲ့ပါသည်။အချိန်ဆိုတာက
လည်းလိုနေရာမျိုးတွင်မရှိပေရာမြင်ကွင်းသည်ရပ်တန့်နေတဲ့ပန်းချီကားတစ်ချပ်လိုဖြစ်နေခဲ့ပါသည်။
            သို့သော်သူတို့နှစ်ယောက်သည်စိတ်ကူးထဲမှာတော့တခါတရံဆုံတွေ့မိတတ်ကြပါသည်။
            တစ်ယောက်ကပြောသည်။
            “မိတ်ဆွေ၊အလင်းရောင်ကိုသဲ့သဲ့လေးတောင်မတွေ့မိဘူးလား”
            နောက်တစ်ယောက်က
            “ပုံရိပ်တွေတော့အများကြီးတွေ့တယ်၊ဘာတွေမှန်းတော့ကျွန်တော်လည်းမသိဘူး”
            “အဲဒီပုံရိပ်တွေထဲမှာဘုရားသခင်ပါရဲ့လား”
            “ကြွေအံကစားတဲ့သူတစ်ယောက်မှမတွေ့ဘူးဗျို့”
            “ဒါဆိုဘုရားသခင်အိပ်မောကျနေတာဖြစ်လိမ့်မယ်၊တစ်ချက်လောက်နှိုးပေးစမ်းပါ၊အလင်းရောင်ဆိုတာကြည့်ချင်လို့”
            “နှိုးလို့မရဘူးဗျ၊ဘုရားသခင်ထာဝရအိပ်စက်အနားယူသွားပြီထင်တယ်”
            “ဒါဆိုယင်ကျွန်တော်တို့ရဲ့ကောင်းကင်ဘုံဟာမြေပြင်နဲ့အဆက်အသွယ်ပြတ်တောက်သွားပြီပေါ့”
            “ခင်ဗျားကိုယ်တိုင်ဂြိုလ်တုတစ်လုံးနဲ့တက်ကြည့်ပေ့ါဗျာ”
            “နေပါစေဗျာ၊ကျွန်တော်မီးခတ်ကျောက်ပဲရှာတော့မယ်”
သို့ဖြင့်မရှိသောအချိန်ကာလတစ်ခုတွင်မရှိသောအလင်းတို့ဆက်လက်ပျောက်ဆုံးနေခဲ့သည်။သူတို့နှစ်ဦးသည်စိတ်ကူးထဲတွင်ကိုယ်စီထိုင်နေကြပြီးတစ်ဦးကအပြောင်းအလဲကိုမျှော်လင့်လို့၊တစ်ဦးကပစ္စုပ္ပါန်ကိုစောင့်ကြည့်ခံစားလို့နှစ်ဦးစလုံးမပြောင်းမလဲရှိနေခဲ့သည်။
သို့သော်အပြောင်းအလဲဆိုသည်မှာမပြောင်းမလဲပေါ်လာမြဲပင်။ဆန္ဒရှိသည်ဖြစ်စေ၊မရှိသည်ဖြစ်စေ၊လောကသည်အပြောင်းအလဲများကြောင့်ရွေ့လျားနေခဲ့သည်။အပြောင်းအလဲများကြောင့်အသက်ဝင်နေခဲ့သည်။ယခုလည်းကြည့်။
            အလင်းသည်ဗုံးတစ်လုံးလိုပေါက်ကွဲလို့၊အခန်းလေးထဲတွင်ရုတ်တရက်ကြီးလင်းထွက်သွားခဲ့သည်။အမှောင်တွေအားလုံး
လွင့်စင်ကုန်ကြပေါ့၊စိတ်ကူးတွေလည်းဘယ်အရပ်ဆီရောက်ကုန်ပြီမသိ၊သူတို့နှစ်ယောက်စလုံးအလင်းထိန်ထိန်အောက်တွင်စုန်းစုန်းမြုပ်အောင်ကန်းနေကြပါသည်။
            တစ်ယောက်ကသွေးရူးသွေးတမ်းဖြင့်
            “ဘုရားသခင်ရှင်ပြန်ထမြောက်ပြီ”ဟုအော်ဟစ်ဆဲ
အခြားတစ်ယောက်ကတော့အေးအေးသက်သာပင်
“သြော်၊နောက်တကားတောင်ပြောင်းသွားပြီပဲကိုး၊ဒီကားကတော့အလင်းများတဲ့ကားတစ်ကားပါပဲ”
သို့ဖြင့်သူတို့နှစ်ဦးသည်သဲသဲမဲမဲရွာသွန်းဖြိုးနေသောအလင်းမိုးများအောက်ကိုယ်လက်သန့်စင်ပြီးမိမိတို့၏ပကတိရုပ်သွင်ကိုစိတ်လှုပ်ရှားစွာစောင့်ကြည့်နေခဲ့ကြသည်။
တပြိုင်နက်တည်းလိုပင်တချက်ချက်နှင့်နာရီသံများသည်အခန်းလေးထဲသို့တစ်လှမ်းချင်းလျှောက်လှမ်းလာနေခဲ့ပါသည်။
ဒီနိုဗို
June,2001

            စုံနံသာ မဂ္ဂဇင်း အတွဲ(၁) အမှတ် ၆၊ ဇွန် ၂၀၁၄

No comments: