အနီရောင် မှတ်စုစာအုပ် (၄)

အယ်လ်နဲ့ ကျွန်တော်လည်း ၁၉၇၄ မှာ လက်ထပ်လိုက်ကြတယ်။ သားကို ၁၉၇၇ မှာ မွေးတယ်။ 
နောက်တစ်နှစ်ပဲ ကျွန်တော်တို့အိမ်ထောင်ရေးလည်း အဆုံးသတ်ခဲ့တယ်။ အခုအချိန်မှာဒါတွေ 
ပြောနေရတာ ဘယ်လိုမှ မအပ်စပ်လှပါဘူး။ ၁၉၈၀ နွေဦးတုံးက ကြုံခဲ့ရတဲ့ အဖြစ်ကို ပြောပြချင်လို့ 
နောက်ခံကားချပ်အနေနဲ့ ခင်းကျင်းပြနေရတာပါ။

ဒီတုန်းက ကျွန်တော်တို့နှစ်ယောက်လုံးက ဘရွက်ကလင်းမှာ၊ တစ်ယောက်နဲ့ တစ်ယောက် သုံးလေး
လမ်းလောက်ပဲ ခြားတယ်။ ကျွန်တော်တို့ရဲ့ သားခမျာ ဟိုဘက်အိမ်သွားနေလိုက် ဒီဘက်အိမ် လာနေ
လိုက်နဲ့ အချိန်ဇယား ခွဲထားရတယ်။ တစ်မနက် သူ့ကို မူကြိုသွားပို့မလို့ အယ်ရဲ့ အိမ်ရှေ့မှာ 
ရပ်စောင့်နေခဲ့တယ်။ ဒီတုန်းက ကျွန်တော်ပဲ အိမ်ထဲ ဝင်ခေါ်မိသလား၊ ဒယ်နီယယ်ပဲ သူ့ဖာသာ 
လှေကားကနေ ဆင်းလာသလားတော့ မမှတ်မိတော့ဘူး။ ဒါပေမယ့် ကျွန်တော့်စိတ်ထဲ ကွက်ကွက်
ကွင်းကွင်း မြင်နေသေးတာက ကျွန်တော်တို့ သားအဖနှစ်ယောက် အတူလမ်းလျှောက်ထွက်ခါနီး
ဆဲဆဲပဲ။ အယ်လ်က သူမရဲ့ တတိယထပ်ကနေ ကျွန်တော့်ဆီကို ပိုက်ဆံပစ်ချပေးဖို့ ပြူတင်းပေါက်
ဖွင့်လိုက်တယ်။ ဘာအတွက် သူပိုက်ဆံပေးတာလဲ ဆိုတာတော့ မမှတ်မိတော့ဘူး။ သူမရဲ့ 
ကားပါကင်ခတွေ ပြန်ဖြည့်ဖို့ဖြစ်ချင်ဖြစ်မယ်။ ဒါမှမဟုပ် ကျွန်တော့်ကို လက်တိုလက်တောင်း 
တစ်ခုခု ခိုင်းလိုက်တာလည်း ဖြစ်ချင်ဖြစ်မယ်။ မမှတ်မိတော့ဘူး။

ကျွန်တော်မှတ်မိတာကတော့ ပြူတင်းပေါက်ပွင့်လာပြီး လေထဲကနေ အကြွေစေ့လေး လွင့်ပျံ
လာတာပဲ။ ဒီမြင်ကွင်းကို ကျွန်တော့်မျက်စိထဲ ရှင်းရှင်းလင်းလင်း ကို မြင်ယောင်နေခဲ့တာများ
ဓါတ်ပုံရိုက်ယူထားခဲ့တဲ့ အတိုင်း၊ အဲဒီအချိန်တည်းက ထပ်တလဲလဲ မက်နေမိတဲ့ အိမ်မက်
တစ်စိတ်တပိုင်း လို ဖြစ်နေခဲ့တယ်။

ဒါပေမယ့် အဲဒီ အကြွေစေ့လေးက လမ်းမှာ သစ်ကိုင်းနဲ့ တိုက်မိပြီး ကျွန်တော့်လက်ပေါ်ကျလာမယ့် 

လမ်းကြောင်းကနေ သွေဖီသွားခဲ့တယ်။ အဲဒီကနေ သစ်ပင်ကို ပြန်ကန်၊ပြီးတော့ အနီးအနားကို 

တိတ်တိတ်လေး ကျသွားတယ်။ အဲဒီမှာတင် ပျောက်သွားပါလေရော။ ကျွန်တော်လည်း ငုံ့ပြီးတော့ 

ပလက်ဖောင်းတစ်လျှောက်တွေလျှောက်ရှာ၊ သစ်ရွက်တွေအောက်ကို တူးရှာ၊ သစ်ပင်ခြေရင်းမှာ 
ထိုးရှာနဲ့ မှတ်မိပါသေးတယ်။ ဒါပေမယ့် အကြွေစေ့လေးကို ဘယ်မှာမှ ရှာမရခဲ့ဘူး။

အဲဒီအချိန်က နွေဦးရောက်ခါစဆိုတာတော့ ကျွန်တော်ပြောနိင်တယ်။ ဘာကြောင့်ဆို အဲဒီနေ့ပဲ
ရှီးယားကွင်းက ဘေ့စ်ဘောပွဲကို သွားကြည့်ခဲ့သေးတာကိုး။ အဲဒီပွဲက ရာသီအစ ဖွင့်ပွဲလေ။ 
ကျွန်တော့်သူငယ်ချင်းတစ်ယောက် လတ်မှတ်ရလာတာ။ သူက ကျွန်တော့်ကို သူနဲ့လိုက်ခဲ့ဖို့ 
ရက်ရက်ရောရော ဖိတ်ခေါ်ရှာတယ်။ အရင်က ဒီလို ဖွင့်ပွဲနေ့မျိုးတစ်ခါမျှ မကြည့်ခဲ့ဖူး။ ဒီတော့ 
အဲဒီ အခိုက်အတန့်ကို ကောင်းကောင်းအမှတ်ရနေသေးတာပေါ့။

ကျွန်တော်တို့ အဲဒီကို အစောကြီး ရောက်သွားတယ် ( အပေါက်ဝကနေ လတ်မှတ်ဖြတ်နေတာ
မျိုးတွေကြုံရ တာမျိုးပေါ့) ကျွန်တော့်သူငယ်ချင်းက လတ်မှတ်ဖြတ်နေတုန်း ကျွန်တော်လည်း 
အပြင်ဂိတ်ဝကနေ စီးကရက်သောက်ရင်း စောင့်နေမိတယ်။ အနားမှာ ခွေးတစ်ကောင်
ကြောင်တစ်မြှီးမှ မရှိဘူး။ ကျွန်တော်လည်း စီးကရက်မီးညှိချင်တာနဲ့ နံရံဘေး အခန်းငယ်လေးထဲ 
ဝင်လိုက်တယ် (အဲဒီနေ့က လေထန်နေခဲ့တယ်) ။ အဲဒီမှာ ကျွန်တော့် ခြေထောက်နဲ့ နှစ်ပေတောင် 
မဝေးလှတဲ့ မြေကြီးပေါ်မှာ အကြွေစေ့တစ်စေ့။ ကျွန်တော်လည်း ငုံ့ပြီး ကောက်ကာ အိပ်ထဲ
ထည့်လိုက်တယ်။ အဆီအငေါ်မတည့်လှပေမယ့်လည်း ကျွန်တော့်စိတ်ထဲမှာ ဒီအကြွေစေ့ဟာ 
မနက်က ဘရွက်ကလင်းမှာ ပျောက်ဆုံးသွားတဲ့ အကြွေစေ့ဆိုတာ သိနေခဲ့တယ်။