တရားသဖြင့် လုပ်ကြံကြသူများ

တရားသဖြင့် လုပ်ကြံကြသူများ



စာရေးသူ ၏ အမှာ



၁၉၀၅ ခုနှစ် ဖေဖော်ဝါရီ၊ မော်စကိုရှိ တော်လှန်သောဆိုရှယ်လစ်ပါတီ ၏ အကြမ်းဖက်အုပ်စုတစ်စုက

ဇာဘုရင် ၏ ဦးလေးတော်သူနယ်စားကြီး ဆာ့ဂ်ျ ကို လုပ်ကြံဖို့ ကြိုးစားခဲ့သည်။ ဤ ပြဇတ်က ထို လုပ်ကြံဖို့ ကြိုးစားခြင်း နှင့်တကွ ထူးခြားသော နောက်ခံအခြေအနေတို့ကို အခြေခံထားခဲ့သည်။ ပြဇတ်၏ တစ်ချို့နေရာများမှာ ဘယ်လိုပဲ ထူးခြားသည်ဟု ထင်ရသော်ငြား အမှန်တကယ် ဖြစ်ပျက်ခဲ့သော အရာများဖြစ်ပါသည်။ သည့်အတွက် The Just Assassins ကို သမိုင်းနောက်ခံပြဇတ် ဖြစ်သည်ဟု မဆိုလိုပါ။ သို့သော်လည်း

ဇတ်ကောင်များ အားလုံးမှာ အမှန်တကယ် ရှိခဲ့သော ဇတ်ကောင်များဖြစ်ပြီး ကျွန်တော် ရေးထားသည့်

အတိုင်း လည်း အမှန်တကယ် ပြုမူခဲ့ကြပါသည်။ ကျွန်တော့်အနေနှင့် အမှန်တကယ် ဖြစ်ခဲ့သော အရာများကို သဘာဝ ကျအောင်သာ ရေးသားတင်ဆက်ထားပါသည်။

ဇတ်လိုက် ဟီးရိုး၏ အမည်ကိုလည်း အမည်ရင်း ကာလီယာယဗ် ကို ပင်သုံးထားပါသည်။ တခြားနာမည် ရှာမရ သောကြောင့် မဟုပ်ပါ၊ သူတို့၏ ကိုယ်ပိုင် နှလုံးသားခံစားမှုများကို မျိုသိပ်ကာ ဤ စက်ဆုပ်ဖွယ်

အကောင်းဆုံး သော အမှုကို အားထုပ်ခဲ့ကြသည့် ထို ယောက်ျား မိန်းမ အသီးသီးကို ဂုဏ်ယူလေးစား မြတ်နိုးအားကျသည့် အနေဖြင့် အမည်ရင်းများအတိုင်း ပြန်လည်သုံးထားခြင်း ဖြစ်ပါသည်။ သူတို့ခေတ်နောက်ပိုင်းမှာတော့ တိုးတက်မှု တွေ ရှိလာခဲ့တာ အမှန်ပင်။ ယင်းခေတ်က ဤ သူမတူပြိုင်စံရှား သည့် စိတ်ဝိညာဉ်များ ကို မခံမရပ်နိုင် အမုန်းတရားတွေကဲစေခဲ့သည် စနစ်ကြီးမှာ ယခုတော့ သက်တောင့်သက်သာ ရှိလို့လာခဲ့ပါပြီ ။ သို့သော်လည်း သည့်အတွက်ကိုပဲ ဤ ကြီးမြတ်သော တစ္ဆေကြီးများ နှင့် သူတို့၏ တရားသော တော်လှန်ရေး၊ သူတို့၏ ခက်ခဲလှသော ညီရင်းအကို စိတ်ဓါတ်၊ တိုင်းတာ၍ မရနိင် သော 

အားထုပ်ကြိုးပမ်းမှုတို့ကို ပြန်လည်ဖော်ထုပ်ဖို့ ထိုက်တန်နေခဲ့သည်။ သူတို့ကိုယ်သူတို့ လူသတ်သမား အဖြစ် ရောက်ရှိစေခဲ့သော လုပ်ရပ်၏ နောက်ကွယ်တွင် ကိန်းအောင်းနေသော သူတို့ရင်ထဲက တကယ့် ယုံကြည်မှုကို  ထုပ်ဖော် ပြသဖို့ လိုအပ်နေခဲ့သည်။

အဲလဘတ် ကမူး၁၉၄၉