အဲလ်ဘတ် ကမူး ၏ ကာလီဂူလာ (စာမြည်း)

ဆီပီရို။    ။ (ကာလီဂူလာကိုပြော) ကေးယပ်စ် ၊ အရှင်ဟာ ဘုရားကို မထေမဲ့မြင်စော်ကားလိုက်တာပဲ

ကာလီဂူလာ။        ။ မထေမဲ့မြင်စော်ကားတယ် ဟုပ်လား။ ဘာကိုပြောတာလဲ

ဆီပီရို။    ။ အရှင်ဟာ ကမ္ဘာမြေကို သွေးတွေ စွန်းပေစေပြီးတဲ့နောက် ကောင်းကင်ဘုံကိုပါ ညစ်ညမ်းရမ်းကားမှုပြုခဲ့တယ်။

ဟယ်လီဂွန်။         ။ ဒီ ချာတိတ်က ဘာကြောင့်များ ဒီလောက် စကားကြီးစကားကျယ်တွေ ပြောချင်ရသလဲ မသိဘူး (သူက ကွပ်ပျစ်အခင်းပေါ် သွားပြီး လှဲ)

ကေဆိုနီးယား။     ။ (အလွန်အေးဆေးစွာဖြင့်) ချာတိတ်ရေ၊ နှုပ်ကို စောင့်စည်းပါ။ လတ်တလော ရောမမှာ အပြော မတတ်လို့ သေနေကြတဲ့ လူတွေအများကြီးပဲ။

ဆီပီရို။    ။ ဟုပ်ကောင်းဟုပ်လ်ိမ့်မယ်။ ဒါပေမယ့် ကျွန်တော်ကတော့ ကေးယပ်စ် ကို အမှန်အတိုင်းပဲ ပြောမယ်လို့ ဆုံးဖြတ်ထားတယ်

ကေဆိုနီးယား။     ။ ကဲ ကာလီဂူလာ ကြားတယ်မဟုပ်လား၊ သူဟာ ကျင့်ဝတ်ကို တန်ဖိုးထားတဲ့ ရဲရင့်တဲ့ လူငယ် တစ်ယောက်ဆိုတာ၊ ဒါဟာ ရှင့်ရဲ့ တိုင်းပြည်မှာ ကင်းမဲ့နေတဲ့ အရာပဲ၊

ကာလီဂူလာ။        ။ (စိတ်ဝင်စားဟန်ဖြင့်) ဒါဖြင့် မင်းက နတ်ဘုရားတွေကို ယုံကြည်တယ်ပေါ့ ဆီပီရို။

ဆီပီရို။    ။ မယုံကြည်ပါဘူး။

ကာလီဂူလာ။        ။ ဒီလိုလား ကျုပ်နားမလည်ဘူး။ မင်းက နတ်ဘုရားတွေကို မယုံကြည်ယင် ဘာကြောင့်မင်းက ဘုရားစော်ကားတဲ့သူကို အနံ့လိုက်ခံနေရတာလဲ။

ဆီပီရို။                ။ လူတစ်ယောက်အနေနဲ့ နတ်ဘုရားတွေကို မယုံကြည်ပဲနေလို့ရတယ်။ အဲဒီအတွက် သူတို့ကို စော်ကားစရာ မလိုပါဘူး၊ အခြားသူတွေရဲ့ ယုံကြည်မှုကိုလည်း ထိခိုက်စရာ မလိုပါဘူး။

ကာလီဂူလာ။        ။ အိုး၊ ကျုပ်ပြောတာမမှားဘူးဆိုယင် ဒါဟာ ကိုယ့်ကိုယ်ကို နှိမ်ချတာပဲ။ ဒါ စစ်မှန်တဲ့အရာပဲ၊ အိုး ခင်မင်ရတဲ့ ဆီပီရိုရယ်၊ ကျုပ်မင်းအတွက် ဘယ်လောက်တောင် ပီတိဖြစ်မိသလဲ၊ 

ဘယ်လောက်တောင် မနာလိုဖြစ်မိသလဲ သိလား၊ ဘာကြောင့်ဆို ဒါဟာ ကျုပ် ဘယ်တုန်းကမှ မကြုံဖူးတဲ့ 

ခံစားမှု မဟုပ်လား။

ဆီပီရို။                ။ အရှင် မနာလိုဖြစ်တာ ကျွန်တော့်ကို မဟုပ်ပါဘူး။ နတ်ဘုရားတွေကိုပါ။

ကာလီဂူလာ။         ။ စိတ်မဆိုးဘူးဆိုယင် ကျုပ်တို့ ဒီ ကိစ္စကို ဒီမှာတင်ပဲ ထားလိုက်ရအောင်၊ ဒီကိစ္စက ကျုပ်ရဲ့ ခေတ်မှာ နားလည်ဖို့ ခက်တဲ့ အရာတစ်ခု အနေနဲ့ပဲ ဆက်ရှိနေပါလိမ့် မယ်။ ကနေ့ ကျုပ်ကို

 ဝေဖန်စရာ ဆိုလို့ လွပ်လပ်မှုဆီ သွားရာလမ်းမှာ ကျုပ်က ခြေတလှမ်းဦးနေတာပဲ ပြောစရာရှိတယ်။ အာဏာကို မြတ်နိုးတဲ့ လူတစ်ယောက်အနေနဲ့ နတ်ဘုရား တွေနဲ့ အားပြိုင်နေရတာဟာ မလွှဲမရှောင်သာ စိတ်တိုစရာ ကောင်းလှတဲ့ အရာတစ်ခုပါပဲ။ ကျုပ်အနေနဲ့ ဒီ စိတ်ကူးထဲက နတ်ဘုရားတွေကို သတ်သေပြချင်တာက လူသားဟာ ဆန္ဒရှိမယ်ဆိုရင် သူတို့ ရဲ့ အဓိပ္ပါယ်မရှိတဲ့ လုပ်ရပ်မျိုးတွေကို သင်ယူစရာ မလိုပဲ

 ဆောင်ရွက်နိုင်တယ်ဆိုတာပဲ။

ဆီပီရို။                ။ ဒါဟာ ဘုရားကို စော်ကားလိုက်တာပဲ ကေးယပ်စ်

ကာလီဂူလာ။        ။ မဟုပ်ဘူး။ ဆီပီရို။၊ ဒါဟာ ရှင်းရှင်းလေးပါ။ ကျုပ်ရိုးရိုးလေးနားလည်ထားတာကတော့ နတ်ဘုရား တွေကို တုပဖို့ရာ တစ်နည်းပဲရှိတယ်။ သူတို့လို ရက်စက်တတ်ဖို့လိုတယ်။

ဆီပီရို။                ။  ဒီ့အတွက် အာဏာရှင်တစ်ယောက်လို အုပ်ချုပ်ယင် ပြီးတာပဲ

ကာလီဂူလာ။        ။ ကျုပ်ကို ပြောပါဦး မိတ်ဆွေလေးရဲ့၊ အာဏာရှင်ဆိုတာ ဘာလဲ

ဆီပီရို။                ။ အမြင်ကန်းနေတဲ့ ဝိညာဉ်တစ်ခုပါပဲ

ကာလီဂူလာ။        ။ သိပ်ပြီး မတိကျဘူး ဆီပီရို။ ကျုပ်ပြောမယ် တကယ့် အာဏာရှင်ဆိုတာ သူ့ရဲ့ စိတ်ကူးစံတွေ၊ သူ့ရဲ့ ရည်မှန်းချက်တွေ ပြည့်ဝဖို့ နိင်ငံတစ်ခုလုံးကို စတေးတဲ့ သူမျိုး။ ကျုပ်မှာတော့ ဘာ စိတ်ကူးစံမှ မရှိသလို ဂုဏ်သိက္ခာတို့၊ အာဏာတို့အတွက် ပြင်းပြတဲ့ ဆန္ဒနဲ့ ကြီးမားတဲ့ ရည်ရွယ်ချက်မျိုးတွေ မရှိပါဘူး။ ကျုပ်အနေနဲ့ အာဏာကို အသုံးပြုခဲ့ တယ်ဆိုယင်လည်း ဒါဟာ ပြန်လည် ပေးလျော်တဲ့အနေနဲ့ပဲ ဖြစ်ပါလိမ့်မယ်။

ဆီပီရို။                ။ ဘာအတွက် ပေးလျော်မှာလဲ

ကာလီဂူလာ။        ။ နတ်ဘုရားတွေရဲ့ မိုက်မဲမှုနဲ့ အမုန်းတရားတွေအတွက်ပဲ

ဆီပီရို။                ။ အမုန်းတရားနဲ့ အမုန်းတရားကို ပြန်လည် ချေဖျက်လို့မရပါဘူး။ အာဏာ ဆိုတာ 

လည်း အဖြေ မဟုပ်ပါဘူး။ ကျွန်တော်သိသလောက်တော့ ကမ္ဘာကြီးရဲ့ ရန်လိုဖက်ပြိုင်မှုကို ပြန်ပြီး မျှတစေမယ့် နည်း တစ်နည်းပဲ ရှိတယ်။

ကာလီဂူလာ။        ။ အဲဒါ ဘာလဲ

ဆီပီရို။                ။ ဆင်းရဲမွဲတေမှုပဲ

(From Caligula by Albert Camus)

ဘနားနား ယိုရှီမိုတို ကျိန်စာ

အိပ်မက်များကို အသွင်ပြောင်းစေသူ ဘနားနား ယိုရှီမိုတို

အဖေဖြစ်သူက နာမည်ကြီး ကဗျာဆရာ၊ အစ်မဖြစ်သူက ထင်ရှားသည့် ကာတွန်းဆရာ၊ ဤသို့ အတွေး
အခေါ်လွတ်လပ်ပွင့်လင်းသည့် မိသားစုတွင် ကြီးပြင်းလာခဲ့သည် ယိုရှီမိုတိုမှာ နိဟွန်း တက္ကသိုလ် အနုပညာ ကောလိပ်တွင် စာပေဘာသာရပ်နှင့် ဘွဲ့ရခဲ့သည်။ ကျောင်းတွင် Banana (ငှက်ပျောသီး) ဆိုသည့် ကလောင်နာမည်ကို ယူခဲ့ပြီး နောက်ပိုင်းတွင်လည်း ထိုနာမည်ကို ချစ်စရာကောင်းပြီး ကျားမ မကွဲပြားသည့်အတွက် နှစ်ခြိုက်ကာ ဆက်လက်သုံးစွဲခဲ့သည်။

ဂေါက်ကလပ်စားပွဲထိုးမလေးအဖြစ် အလုပ်လုပ်ယင်း စာတွေရေးသားခဲ့သည့် ယိုရှီမိုတိုမှာ အမေရီကန် စာရေးဆရာ Stephen King ၏ ထိတ်လန့်သည်းဖိုမဟုပ်သော ဝထ္ထုများကို စတင်စွဲလန်းခဲ့သည်ဟုဆိုသည်။ နောက်ပိုင်းတွင်တော့ Truman Capote နှင့် I.B.Singer တို့က သူ့ကို အကြီးအကျယ်လွှမ်းမိုးခဲ့သည်ဟု ဆိုသည်။

သူ၏ ပွဲဦးထွက် ဝထ္ထု Kitchen မှာ ဂျပန်ပြည်တွင်းတွင်ပင် အကြိမ်၆၀ ကျော် ရိုက်နှိပ်ခဲ့ရပြီး ဤဝထ္ထုဖြင့် Kaien လူသစ်တန်းဆုကို ၁၉၈၇ တွင် ရရှိခဲ့ပြီး Mishima Yukio စာပေဆု ဆန်ကာတင်စာရင်းတွင် ပါဝင်ခဲ့သည်။ ထို့နောက် Moonlight Shadow (လရိပ်) ဝထ္ထုလတ်ဖြင့် Izumi Kyōka စာပေဆုကို ၁၉၈၈ တွင် ရရှိခဲ့သည်။ သူ၏ ဝထ္ထုနှစ်ပုဒ်ကို ရုပ်ရှင်အဖြစ် ရိုက်ကူးခဲ့ပြီးဖြစ်သည်။

ယခုအချိန်ထိ ဝထ္ထု ဆယ့်နှစ်အုပ် နှင့် အက်ဆေးပေါင်းချုပ် ၇ အုပ်ကို ရေးသားခဲ့ပြီး ကမ္ဘာအနှံ့ သူ၏ စာအုပ်ပေါင်း ၆ သန်းခန့်ရောင်းချခဲ့ရပြီးဖြစ်သည်။ သူကိုင်တွယ်လေ့ရှိသည့် အကြောင်းအရာများမှာ အချစ်နှင့်

ခင်မင်မှု၊ အိမ်နှင့် မိသားစု၏ စွမ်းပကား၊ ဆုံးရှုံးမှုကြောင့် လူ့စိတ်ဝိညာဉ်ပိုင်းဆိုင်ရာ ထိခိုက်မှု စသည်
တို့ဖြစ်သည်။

ယိုရှီမိုတိုကတော့ သူအဓိက ကိုင်တွယ်သည့် အကြောင်းအရာနှစ်ခုမှာ “ခေတ်ပြိုင်ဂျပန်လူ့အဖွဲ့အစည်းအတွင်းလူငယ်တို့၏ ခြေကုန်လက်ပန်းကျမှု” နှင့် “ဆိုးဆိုးရွားရွား အတွေ့အကြုံက လူတစ်ယောက်၏ ဘဝကို ပြောင်းလဲသွားစေပုံ” တို့ဖြစ်သည်ဟု ဆိုသည်။

သူ့အရေးအသားများတွင် လူငယ်များ ကြုံတွေ့နေရသည့် ပြဿနာများ၊ မြို့ပြ ဖြစ်တည်မှုဘဝများ၊ အစစ်အမှန်

ဘဝနှင့် အတွေးအထင်တို့ကြား ပိတ်မိနေခဲ့သည့် ဂျပန် ဆယ်ကျော်သက်တို့အကြောင်း ဖေါ်ပြလေ့ရှိသည်။ သူ့အရေးအသားများက တော်လှန်ပြောင်းလဲလိုသည့် လူငယ်များကိုသာ မက၊ နှလုံးသား နုပျိုနေဆဲ ဖြစ်သည့် အရွယ်ရောက်ပြီး သူများကိုလည်း ရည်ရွယ်သည်။ ဘနားနား၏ ဇတ်ကောင်များ၊ နောက်ခံဝန်းကျင်နှင့် ခေါင်းစဉ်များက မော်ဒန် အမေရီကန် ဆန်လှသော်လည်း အတွင်းသား ကတော့ ဂျပန် ဆန်လှသည်။ သူက စာဖတ်သူကို အလွန် ရင်းနှီးစွာဖြင့် အတွင်းကျကျပြောတတ်သည်။ သစ်သားကြမ်းခင်းက တကျွိကျိ မြည်တာမျိုး၊ ဟင်းနံ့လေးက မွှေးနေတာမျိုး စသည့် အင်မတန် ရိုးရှင်းလှသည့် အကြောင်းအရာ များကို နွေးထွေးပြီး လုံးဝ ရိုးသားစွာဖြင့် ပြောတတ်သည်။ သူ့အရေးအသားများတွင် အစားအသောက်နှင့် အိပ်မက်များ မကြာခဏပါတတ်ပြီး အမှတ်တရများ၊ စိတ်လှုပ်ရှားဖွယ်ရာများနှင့် ဆက်စပ်နေတတ်သည်။ ဘနားနားက အများအားဖြင့် သူ၏ ကိုယ်ပိုင်အိပ်မက်များမှ စာရေးဖို့စိတ်ကူးရလာတတ်သည်ဟု ဝန်ခံပြီး သူ့အနေနှင့် အိပ်မက်များဖြင့် ပြည့်နှက်နေသည့် ဘဝကို တောင့်တမိသည်ဟု ဆိုသည်။

Franz Kafka အလွမ်းပြေ

https://www.youtube.com/watch?v=i_MmwyazJBk

ကပ်ဖကာ ကို သူ့ ဝထ္ထုတွေထဲ ပြန်ထည့်ပြီး စိတ်ကူးယဉ်ဖန်တီးထားတဲ့ ရုပ်ရှင်ပါ။ ကပ်ဖကာ ရဲ့ အငွေ့အသက် kafkaesque တွေ တချို့ တွေ့ရပေမယ့် ရုပ်ရှင်ဆန်အောင် လျှို့ဝှက်သည်းဖို ဖြစ်အောင် တမင်လုပ်ထားတာလေးတွေတော့ ပါပါတယ်။