Friday, September 7, 2012

အပ်ထည်


ယခုတစ်လောညဘက်အပြင်ထွက်လေ့သိပ်မရှိသဖြင့်အခန်းအောင်းကာတီဗီမှလာသောရုပ်ရှင်ကားများသာတစ်ကားပြီးတစ်ကားကြည့်နေမိသည်။အထူးသဖြင့်TV5မှလာသောပြင်သစ်ကားများကိုကြည့်ရတာအရသာရှိလှသဖြင့်ညစဉ်မလွတ်တမ်းစောင့်ကြည့်နေမိသည်။ယနေ့ညပြသည့်ဇါတ်ကားကအသစ်၊ဟီရိုရှီးမားမြို့တွင်ငြိမ်းချမ်းရေးနှင့်ပတ်သက်သောဇါတ်ဝင်ခန်းလာရိုက်သည့်ပြင်သစ်ရုပ်ရှင်
မင်းသမီးနှင့်မြို့ခံဗိသုကာတစ်ယောက်တို့၏ချစ်ခြင်းဖွဲ့ဇါတ်လမ်း၊ထုံးစံအတိုင်းမင်းသားနှင့်မင်းသမီးချစ်ကြည်နူးခန်းတွင်စကားတွေပြော
မကုန်ကြ။
ကျွန်တော်လည်းပျင်းပျင်းရှိသည်နှင့်ကြည့်နေမိသည်။သိပ်စိတ်ဝင်စားလှသည်မဟုတ်။သမားရိုးကျပြောရိုးပြောစဉ်တွေသာပြောကြလိမ့်မည်ဟုစိတ်ထဲကထင်နေမိသည်။သို့သော်ဇါတ်ကားထဲကမင်းသမီးသုံးသွားသောအသုံးအနှုန်းတစ်ခုကလူကိုနှိုးလိုက်သလိုဖြစ်
သွားသည်။ရုပ်ရှင်ထဲမျောနေသောစိတ်ကနိုးလာခဲ့သည်။ဆက်ကြည့်မရတော့၊ကြည့်ပါ၊သူမကချစ်သူကိုသူမအတွက် tailor made loveတဲ့၊ ဟီရိုရှီးမားမြို့ကိုသူမအတွက် Tailor made city တဲ့။
            သူမပြောမှကျွန်တော့်မှာသောက်လက်စကော်ဖီခွက်ကိုပင်လက်မှပြန်ချလိုက်မိသည်။သည်ကျွန်တော့်အတွက်Tailor made မဟုတ်၊ coffeemix ၊ ကော်ဖီတစ်ထုပ်ထဲတွင်ကော်ဖီမှုန့်၊နို့မှုန့်၊သကြားသုံးမျိုးစလုံးကိုပုံသေအချိုးကျရောစပ်ထားသော အသင့်ဖျော်သောက်နိုင်သော ကော်ဖီထုပ်၊အချိုးအစားကပုံသေ၊အရသာကပုံသေ၊ဘယ်သူသောက်သောက်၊ဘယ်မှာသောက်သောက်၊ တစ်ပုံစံတည်း၊တစ်မျိုးတစ်စားတည်း။မကြိုက်လျှင်မသောက်ရုံသာရှိမည်။အရသာကိုပြုပြင်လို့တော့မရ၊ပိုဆိုးသည်ကကော်ဖီမှုန့်ကအစစ်မဟုတ်၊ကဖင်းဓါတ်ပါသောအမှုန့်များ၊ကော်ဖီနံ့ရအောင်အမွှေး အကြိုင်များအုပ်ထားသောဓါတုထွက်ကုန်များ။
            ပြောရလျှင်ယင်းcoffeemixများပေါ်လာပြီးကတည်းကကော်ဖီမှုန့်အစစ်များကိုလူသုံးနည်းသွားခဲ့သည်။အလွယ်တကူအသင့်
သောက်သုံးနိုင်သောcoffeemixများသာနေရာတကာတွေ့လာရသည်။ကော်ဖီအစစ်သောက်ချင်လျှင်ပင်ကော်ဖီဆိုင်ကောင်းကောင်းကို
အတော်ရှာရပေတော့မည်။ စိတ်ထဲတွင်ယင်းcoffeemixများကိုသာကော်ဖီအမှတ်ဖြင့်သောက်လာခဲ့ရာကော်ဖီစစ်စစ်အရသာကို မေ့မေ့လျော့လျော့ပင်ရှိနေခဲ့သည်။ ယခုမှပင်ကော်ဖီစစ်စစ်ကောင်းကောင်းတစ်ခွက်ကိုကိုယ့်စိတ်ကြိုက်ဖျော်သောက်ချင်နေမိသည်။
တစ်ဖန်ယခုကျွန်တော်ဝတ်ထားသောအဝတ်အစားများကိုကြည့်လိုက်ပြန်တော့လည်းtailormadeမဟုတ်၊အသင့်ချုပ်ပြီးready madeများသာ။တကယ်တော့ကျွန်တော်အရွယ်ရောက်စလူပျိုပေါက်အချိန်အထိအဝတ်အစားများကိုအပ်ချုပ်ဆိုင်တွင်ကိုယ်တိုင်းနှင့်ပေးအပ်ခဲ့ဖူးပါသည်။
ထိုစဉ်ကအမအထည်ဆိုင်မှပိတ်စအဆင်လှလှလေးများကိုကိုယ်တိုင်ရွေးကာအပ်ချုပ်ဆိုင်သို့ကိုယ်တိုင်သွားအပ်လေ့ရှိပါသည်။
သို့သော်နောက်ပိုင်းဈေးကွက်ထဲသို့အသင့်ချုပ်ပြီးအထည်များရောက်လာသောအခါနိုင်ငံခြားဖြစ်အနေဖြင့်ယင်းready madeများ ကိုပိုတန်ဖိုးထားဝတ်ဆင်လာခဲ့မိသည်။ဈေးကြီးပေးပင်ဝတ်ခဲ့ရသည်။ယခင်ကအပ်ထည်များကိုဝတ်မိလျှင်ပင်သိမ်ငယ်သလိုခံစားရသည်။အများအားဖြင့်ယင်းအသင့်ချုပ်ထည်များမှာနိုင်ငံတကာသုံးအချိုးအစားများဖြင့်ချုပ်လုပ်ထားသဖြင့်ရှည်မျောမျော၊ပိန်ကပ်ကပ်ကျွန်တော်တို့ခနာကိုယ်များနှင့်အမြဲလိုပွယောင်းယောင်းဖြစ်နေတတ်သည်။ပုခုံးနှစ်ဖက်ကအောက်ကိုတွဲကျကာမတော်မတဲ့လူကြီးဝတ်စုံကိုယူဝတ်ထားသောကလေးတစ်ယောက်နှင့်ပင်တူနေသေးတော့သည်။သို့သော်လူအများကထိုအတိုင်းဝတ်လာသောအခါခေတ်၏ဖက်ရှင်တစ်မျိုးလိုဖြစ်ကာထိုအတိုင်းလိုက်ဝတ်နေမိသည်။တွေးကြည့်လျှင်ရယ်စရာကောင်းလှသည်။
            ဖွင့်လက်စတီဗွီကအသံများအဆက်မပြတ်ထွက်ပေါ်နေခဲ့သည်။ကျွန်တော်လည်းမကြည့်ချင်တော့သဖြင့်တီဗွီကိုပိတ်ကာဝရန်တာဘက်ထွက်လာခဲ့မိသည်။တကယ်တော့လည်းဝရန်တာဟုသာဆိုရသည်။တစ်အိမ်လုံးရှိအဝတ်အစားများကိုလှန်းထားသောကြိုးတန်းများဖြင့်ရှုပ်ယှက်ခတ်နေသောနေရာတစ်ခုသာ။အောက်ဖက်ကိုလှမ်းကြည့်လိုက်တော့ညမီးရောင်အောက်တွင်လှုပ်ရှားသွားလာနေကြသောသူများဖြင့်စည်ကားနေသည်။ကျွန်တော့်မှာအခန်းထဲအောင်းနေရတာကြာလျှင်သို့ဝရန်တာထွက်ကာပြင်ပလေကိုရှူနေမိတတ်သည်။
            တကယ်တော့ဒီဆယ့်နှစ်ပေခွဲပေ၅၀တိုက်ခန်းကျဉ်းလေးသည်လည်းကျွန်တော့်အတွက်tailormadeမဟုတ်တာသေချာသည်။အိမ်ပေါ်ရောက်ဖို့အထပ်ခြောက်ထပ်ကိုဖြတ်သန်းရသည်ကကိုအတော်စိတ်ပျက်စရာကောင်းလှသည်။တိုးပွါးလာသောမိသားစုအရေအတွက်နှင့်များပြားလှသောအိမ်သုံးပစ္စည်းများကတိုက်ခန်းလေးကိုအသက်ရှူကြပ်စေခဲ့သည်။နယ်တွင်ကိုယ်ပိုင်ခြံ၊ကိုယ်ပိုင်မြေနှင့်ကိုယ်ပိုင်ကိုယ့်စိတ်ကြိုက်စိတ်ကူးဖြင့်ဆောက်လုပ်ထားသောအိမ်လေးတွင်နေလာခဲ့သူမို့လိုတိုက်ခန်းကျဉ်းလေးထဲတွင်နေရတာစိတ်ကျဉ်းကျပ်လှသည်။မြို့ကိုပြောင်းရွှေ့ချင်သည့်အတွက်သာထိုအိမ်လေးကိုရောင်းချခဲ့ရသည်။ယခုထက်ထိစိတ်ထဲတွင်ယခင်အိမ်ကိုသာအိမ်ဟုခံစားလို့ရသည်။ယခုနေသောတိုက်ခန်းကိုယာယီတည်းခိုခန်းတစ်ခုလိုစိတ်ကထင်မှတ်မိသည်။ကိုယ့်အခန်းကိုယ်နေ၊သူ့အခန်းသူနေ၊
တိုက်ကြီးတစ်ခုလုံး၏အရေးကိစ္စသည်ကိုယ့်ကိစ္စမဟုတ်သလိုနေနေကြသောဘဝတွင်ကိုယ့်ကိုယ်ကိုအစဉ်အမြဲဧည့်သည်တစ်ယောက်ပမာထင်မှတ်မိသည်မှာမဆန်း။
စိတ်ကတွေးချင်ရာတွေးနေသဖြင့်ပတ်ဝန်းကျင်ကိုသတိမထားမိ၊သတိထားမိချိန်တွင်အပြင်မှာလေကအတော်ထန်လှသည်။ဆောင်းလေကအေးစက်ကြမ်းတမ်းလှသဖြင့်ဝရန်တာတွင်ကြာရှည်မရပ်နိုင်၊အထဲသို့ပြန်ဝင်လာမိသည်။အခန်းထဲတွင်တော့လေဝင်
လေထွက်မရှိ၊လှောင်အိုက်နေသည်။အခန်းနံရံတွင်ချိတ်ထားသောဘွဲ့ယူဓါတ်ပုံကလွန်ခဲ့သောဆယ်နှစ်ကျော်ကာလကိုပြန်ပြောင်းအောက်မေ့စေသည်။ထို့ပြင်ကျွန်တော့်စိတ်ထဲတွင်လိပ်ခဲတည်းလည်းဖြစ်နေသောလက်ရှိမေးခွန်းကိုပင်ဆက်မေးမိသည်။ကျွန်တော်ယူထားသောဘွဲ့ကရောကျွန်တော့်အတွက်tailor madeပဲလား။လုံးဝမဟုတ်တာတော့သေချာသည်။ငယ်ငယ်ကကျွန်တော်စိတ်ဝင်စားသည်က အင်ဂျင်နီယာကျောင်းတက်ဖို့၊သို့သော်ရသည့်အမှတ်နှင့်တက်ဖြစ်သည်ကရုက္ခဗေဒ၊အပင်များအကြောင်းနကန်းတစ်လုံးမှမသိသော၊ပတ်ဝန်းကျင်ရှိအပင်များအကြောင်းလုံးဝစိတ်ဝင်စားမှုမရှိသောရှိလို့ရှိမှန်းပင်သတိမထားမိသော လူတစ်ယောက်အနေနှင့်ရုက္ခဗေဒကို လေ့လာရသည်မှာအတော်ခက်ခဲလှသည်။ တလွဲတချော်နိုင်လွန်းလှသည်။သို့သော်လည်းအများနည်းတူကျက်မှတ်ပြီး အချိန်တန်တော့ ဘွဲ့ရလာခဲ့သည်။ဒီဘွဲ့ဟာကိုယ်နဲ့လိုက်မလိုက်စဉ်းစားမနေတော့။ယနေ့ညမှသာတိုက်တိုက်ဆိုင်ဆိုင်တွေးမိပြီးကိုယ်ယူထားသည့်
ဘွဲ့ကိုကိုယ်ပြန်အံ့သြနေမိသည်။
ညကအတွေးလွန်ပြီးညဥ့်အတော်နက်သည်အထိအိပ်မရဖြစ်နေခဲ့သည်။မိုးလင်းခါနီးမှအိပ်ပျော်သွားသဖြင့်ယနေ့မနက်အိပ်ရာကတော်တော်နှင့်မထနိုင်၊ရုံးနောက်ကျမှာစိုးသဖြင့်မနက်စာပင်မစားတော့ပဲရုံးသို့ထွက်လာခဲ့သည်။
            ရုံးရောက်တော့လည်းထုံးစံအတိုင်းကိစ္စအဝဝတို့နှင့်တမနက်လုံးရှုပ်ယှက်ခတ်နေခဲ့သည်။နေ့လည်စာစားချိန်ရောက်မှရုံးသူရုံးသားများနှင့်လ္ဘက်ရည်ဆိုင်ထိုင်ရင်းစပ်မိစပ်ရာသူ့အကြောင်း၊ကိုယ့်အကြောင်းပြောဖြစ်ကြသည်။နေ့လည်စာစားပြီးပျင်းရိလေးတွဲ့စွာဖြင့်ရုံးပေါ်ပြန်တက်ရသည်။ညနေစောင်းလာသောအခါပြန်ဖို့ရာလည်တဆန့်ဆန့်ဖြစ်နေခဲ့သည်။သို့ဖြင့်ရုံးဆင်းချိန်လူအပြည့်ကျပ်ညပ်နေသောဘတ်စ်ကားကိုတိုးဝှေ့စီးကာအိမ်ပြန်လာခဲ့သည်။အိမ်အပြန်လမ်းတွင်တွေးနေမိသည်ကအလုပ်ကကောကျွန်တော့်အတွက်
tailor madeပဲလား၊ရိုးရိုးသားသားပြောရလျှင်တော့ အလုပ်မှာကျွန်တော်လုပ်ချင်သောအလုပ်မဟုတ်၊ နိုင်ငံခြားမှ အလှကုန် ပစ္စည်းများကိုတင်ပို့ကာဖြန့်ဖြူးရောင်းချနေရသောအလုပ်မှာကျွန်တော့်အတွက်တော့စိတ်ဝင်စားစရာသိပ်မရှိလှ။စောစောကပြောခဲ့သလိုကျွန်တော်စိတ်ဝင်စားသည်ကအဆောက်အဦးပုံစံများ၊ဒီဇိုင်းများဆွဲသည့်ဗိသုကာပညာရှင်တစ်ယောက်၏အလုပ်မျိုး၊ကိုယ့်စိတ်ကူး
ကောင်းလျှင် ကောင်းသလောက်တီထွင်ဖန်တီးမှုရှိသည့်အလုပ်မျိုး။ယခုလိုတနေ့တနေ့ရုံးလာပြီးpaper workစာရွက်စာတမ်းများနှင့်သာ အချိန်ကုန်နေရသည့်အလုပ်မျိုးကိုငြီးငွေ့လှသည်ကတော့အမှန်ပင်။
            အိမ်ပြန်ရောက်တော့မိန်းမကရုံးမှပြန်မရောက်သေး။ကလေးများကတော့ဗိုက်ဆာလှပြီဖြစ်သဖြင့်တမှိုင်မှိုင်တတွေတွေဖြစ်နေ
ကြသည်။သူမမှာအရာရှိတစ်ယောက်ဖြစ်လာပြီဖြစ်သဖြင့်တာဝန်ဝတ္တရားများပိုမိုများပြားလာသည်ကတော့အမှန်ပင်။ထို့ကြောင့်တစ်နေ့ ထက်တစ်နေ့ရုံးပြန်ချိန်နောက်ကျလာခဲ့သည်။သူနှင့်ကျွန်တော်မှာအေးအေးဆေးဆေးစကားပြောချိန်ပင်သိပ်မရှိတော့။စားစရာရှိတက်သုတ်ရိုက်စားသောက်ပြီးကိုယ့်အလုပ်နှင့်ကိုယ်ရှုပ်နေကြတော့သည်။ချစ်သူဘဝကလိုတစ်ယောက်ကိုတစ်ယောက်ခွံ့ကျွေးတာမျိုးတွေပြန်တွေးလျှင်အိပ်မက်လိုပင်။သူမကရောကျွန်တော့်အတွက်Tailor madeချစ်သူပေပဲလား။ချစ်သူဘဝကတော့သူမသည် ကျွန်တော့်အတွက် အရာရာပင်ဖြစ်ခဲ့သည်။သူမသည်လည်းကျွန်တော့်အပေါ်ဒီလိုမျိုးပဲသဘောထားခဲ့ပေလိမ့်မည်။
သို့သော်ယခုကလေးနှစ်ယောက်ခန့်ရလာတော့တစ်ယောက်နှင့်တစ်ယောက်တစ်စိမ်းပြင်ပြင်လိုဖြစ်လာကြသည်။တစ်ယောက်ပြောသောစကားကိုတစ်ယောက်နားမလည်နိုင်ကြတော့၊ယခင်ကလိုတစ်ယောက်စကားကိုတစ်ယောက်စိတ်ရှည်လက်ရှည်လည်း နားထောင်မပေးနိုင်ကြတော့။တစ်ယောက်နှင့်တစ်ယောက်စကားပြောလျှင်အပေါက်အလမ်းမတည့်အဆင်မပြေသည်ကများသည်။
အယူအဆအတွေးအခေါ်ခြင်းဘာကြောင့်ဒီလောက်ခြားနားနေမှန်းမသိ၊ကြာတော့စကားပြောရမှာကြောက်လာသည်။စကားပြောတိုင်းရန်ဖြစ်ပြီးအဆုံးသတ်ရသည်။ သည်တော့စကားကိုလိုအပ်သလောက်သာပြောပြီးကိုယ်စိတ်ဝင်စားရာနှင့်ကိုယ်နေနေကြသည်။
            ကျွန်တော့်သားအကြီးကောင်ကတော့မေမေ့ကိုစောင့်နေရမယ့်အတူတူသားဂိမ်းဆိုင်သွားလိုက်ဦးမယ်ဟုဆိုကာပိုက်ဆံ
တောင်းနေသည်။ကျွန်တော့်စိတ်ထဲတွင်သိလိုက်သည်ကဒီကောင်ready made softwareတွေနဲ့ဖန်တီးထားတဲ့ဇါတ်လမ်းတွေထဲမှာ စိတ်ပါလက်ပါဆော့နေဦးတော့မယ်ဆိုတာပဲ။
ဒီနိုဗို